бичлэгДэлхийн хүн ам
Таван сарын дараа дэлхийн хүн ам долоон тэрбумд хүрнэ
Дэлхийн хүн ам энэ зууны төгсгөл гэхэд 10 тэрбум давна гэж НҮБ-аас мэдэгдлээ. Африк, Ази ,Латин Америкийн орнуудын хүн амын эрчимтэй өсөлт дэлхийн оршин суугчдын тоог 10 тэрбум хүргэхэд хамгийн чухал үүргийг гүйцэтгэж байна. Хүн ам хурдацтай өсдөг эдгээр тивийн нэр бүхий 56 оронд нэг эхэд дунджаар таван хүүхэд оногдож байгаа нь дэлхийн хүн амын тоог өсөхөд хамгийн их нөлөөлж байгаа гэнэ. Хүн амын тоо ингэж өслөө гээд дэлхий ертөнц сүйрчихгүй,урьдын адил амьдрал үргэлжилсээр байх боловч ядуусын тоо улам нэмэгдэх болно хэмээн НҮБ-ын судалгаанд тэмдэглэсэн байна. Харин ирэх аравдугаар сар гэхэд дэлхийн хүн ам долоон тэрбумд хүрэх аж.
